Publisher is the useful and powerful WordPress Newspaper , Magazine and Blog theme with great attention to details, incredible features...

Saldhigga Boliiska Dayniile oo dib u dhis ay ku sameeyeen Jabaan iyo AMISOM

Mss Christine Alalo Taliyaha Ciidanka Boliiska AMISOM oo munaasabaddii lagu wareejinayay Saldhiggan ka hadashay ayaa sheegtay in ay Soomaaliya ka caawinayaan tayaynta kaabayaasha iyo dhismaha awoodda Ciidanka Booliska.

Hogaanka AMISOM ayaa Saraakiisha Boliiska Gobolka Banaadir ku wareejiyay Saldhigga Boliiska Deyniile oo dib dayactir ay ku samaysay Dowladda Jaban oo kaashanaysa waaxda arrimaha Bulshada ee Ciidanka Midowga Afrika AMISOM.

Mss Christine Alalo Taliyaha Ciidanka Boliiska AMISOM oo munaasabaddii lagu wareejinayay Saldhiggan ka hadashay ayaa sheegtay in ay Soomaaliya ka caawinayaan tayaynta kaabayaasha iyo dhismaha awoodda Ciidanka Booliska.

Waxeyna intaasi ku dartay AMISOM ka go’an tahay inay tababarto oo ay qalabeyso Cidamada Boliiska si ay u helaan xirfado lagama maarmaanka u ah howshoosa.

Waxaa sidoo kale lagu soo kordhiyay Saldhiggan dib u dayactirka lagu sameeyay qaybo cusub iyadoona lagu xiray leyrarka ku shaqeeya Cad-ceedda.

Dhinaca kale waxaa Ciidankana  loo qaybiyay 3,000 oo Buug Gacmeed ah, si ay ugu adeegsadaan diiwaan gelinta dhacdooyinka, sida ay sheegtay Mss, Alalo Taliyaha Ciidanka Boliiska AMISOM.

Ms, Zakiya Hussein Taliye kuxigeenka Ciidanka Booliska Soomaaliyeed ayaa ugu mahad celisay AMISOM dedaalkii udub dhexaad u ahaa howshan ee ay ku bixisay dib u dayactirka Saldhiggan, iyo caawinta Ciidanka Booliska.

Dhawaan ayaa degmadaasi Deyniile loo magacaabay Guddoomiye cusub iyadoo ay muuqato la dar dar galinayo howlaha degmadaasi.

 

Leave A Reply

Your email address will not be published.