Publisher is the useful and powerful WordPress Newspaper , Magazine and Blog theme with great attention to details, incredible features...

Warsaxaafadeed: Marin habaabinta Barnaamijka Wacyigelinta Dastuurka Soomaaliya

Waxa aan aad uga welwelsanahay in Agaasimaha Wasaaradda Maxamed Abuukar Zubeyr  iyo mas’uul sare oo katirsan Dowlada soomaaliya ay kulug leeyihiin xulashada Warbaahinta u tartantameysa Baahainta Waceyigelinta Dastuurka.

Dalladda Warbaahinta Soomalaiyeed (Somali Media Association) oo ay ku mideysan yihiin xarumo warbaahineed oo ka howlgala Koofurta & Bartamaha Soomaaliya kana diiwaangashan Wasaaradda Warfaafinta kana howlgasha Muqdisho iyo Dowladgoboleedyada Soomaaliyeed waxa ay ka walaacsan tahay  sida loo maamulayo loona maareynayo tartanka Barnaamijka Wacyigelinta Dastuurka .

Waxa aan ka xunnahay in tartanka baahinta Wacyigelinta Dastuurka ay wasaaradda Dastuurku ku bixineyso hab qabyaalad iyo kooxeysi ah oo baal marsan hannaanka u tartamidda mashaariicda dowladda halkii ay sheegtay in si xor ah oo Daahfuran ay warbaahintu ugu tartami karto taas oo wax weyn u dhibeysa sumcadda iyo daahfurnaanta wasaaradda Dastuurka.

Waxa aan aad uga welwelsanahay in Agaasimaha Wasaaradda Maxamed Abuukar Zubeyr  iyo mas’uul sare oo katirsan Dowlada soomaaliya ay kulug leeyihiin xulashada Warbaahinta u tartantameysa Baahainta Waceyigelinta Dastuurka .

Waxa aan walbahaar ballaaran kaqabnaa kana digeynaa in hay’addo ay madaxka yihiin rag ka tirsan Dowlada Soomaaliya kuwaas oo ah hay’ad waxsoosaar balse aan lahayn Raadiye iyo Telefeshin midna lagayaabo in ay noqoto hay’adda ay  agaasimaha Wasaaradda Dastuurka  iyo mas’uulka sare ee katirsan Hay’adda Nabadsugidda Soomaaliya ay la rabaan in ay qaadato Barnaamijka baahinta Wacyigelinta Dastuurka

Soo jeedin:

Innaga oo xushmo u hayna wasaaradda Dastuurka  waxa aan u soo jeedineynaa Baarlamanaka,  xafiiska Raisalwasaaruha iyo Barnaamijka horumarinta Qaramada midoobey  (UNDP) in ay u kuurgalaan sida  loo maamulayo u tartamidda mshaariicda dowladda iyo daahfurnaanta madaxa maamuleysa sida Wasaaradda Dastuurka iyo Barnamaijka Wacyigelinta Baahinta Dastuurka Soomaaliya

Mahadsanidiin

Somali Media Association

Muqdisho

Leave A Reply

Your email address will not be published.